柴灣阿叔安宮牛黃丸抗新冠中藥

香港何時0+0仍有待進一步調整，由於香港發現輸入個案中有更新嘅變種BF.7及另外兩款變異株，呢啲由BA.5變異株衍生嘅第三代亞型，傳播速度快，並且具備免疫逃逸能力，打過兩針都預防唔到，所以儘管殺傷力稍弱，也不容忽視。

內地嘅疫情也受Omicron侵襲，呈現「點多、面廣、頻發」特點，連新疆、內蒙古、四川及甘肅等偏遠地區都被波及，唔少自駕遊嘅人群要就地隔離，而深圳也有唔少封控地區，累到阿叔都唔敢去深圳睇醫生，因為返到東莞要報備及自行居家隔離，並且要三天三檢，十分麻煩。

阿叔最近去南城買茶葉，發現呢間由香港人開嘅鋪頭除咗賣沱茶外，仲有安宮牛黃丸、海狗丸等中藥補品，於是好奇問問老闆李永康。李老闆話安宮牛黃丸亦係抗新冠嘅中藥，可以適用於新冠重型及危重型，對舒緩喘憋氣促伴譫語神昏、意識障礙時有幫助，功效與醒腦靜注射液及蘇合香丸相若。

呢個中藥在今年三月「中國中西醫結合雜誌」發表嘅「中成藥防治新型冠狀病毒肺炎專家共識」中入選，而且係重型及危重型階段嘅中藥，令阿叔刮目相看。

安宮牛黃丸對於好多老年人來講係非常熟悉嘅，尤其係患有心腦血管疾病患者，一提到安宮牛黃丸，又叫做「救命丸」，因為佢係一種急救用藥，臨床上比較常用，成分為牛黃、水牛角濃縮粉、人工麝香等，具有清熱解毒、鎮驚開竅功效，在臨床上常用於治療用於熱病，例如邪入心包、高熱驚厥或者是神昏譫語等。

李老闆話，安宮牛黃丸出自清代明醫吳鞠通嘅「溫病條辨」，由牛黃、麝香、水牛角、珍珠、黃蓮、黃苓、桅子、朱砂、鬱金、蜂蜜、冰片等組成，一粒重三克，為包金衣大蜜丸，氣芳香濃鬱，味微苦，對中老年人全年預防中風有明顯功效。很多40歲以上身體正常人士，每年四個節氣（驚蟄、夏至、霜降、冬至）服用一粒，或每三個月食一粒，可預防中風及心腦血管疾病。

李老闆用個仔嘅名做呢種安宮牛黃丸嘅招牌，認真有諗頭。佢話，呢條係古方，唔駛俾專利費，係人都可以生產，只不過每間藥廠按自己嘅標準去生產，所以唔同品牌嘅牛黃丸有唔同嘅價格，李老闆因緣際會得到香港一間老牌藥廠嘅支持才有機會出自已品牌嘅牛黃丸，先行打開市場。佢原來嘅計劃就係在香港自行開藥廠生產，不過由於疫情關係，開廠計劃受阻。好在已註冊咗品牌，香港中藥在內地及全世界華人社會都有口碑，所以慢慢經營，待將來打出名堂，便可以由個仔接手經營，慳番好多時間。

阿叔聽到呢個廿四孝老豆咁講，不得不感到父母為兒女將來鋪路嘅苦心，亦感到香港人其實有好多商機，例如中醫藥行業，香港仍然有好多人才可以傳承好中藥，香港製造呢個「金漆招牌」仍然係香港嘅名牌。

正所謂：中醫中藥係國寶，華陀再世都叫好！

柴灣阿叔